By ecka
Sabi nila,
Kumaen ka ng tsokolate
Para sumaya ka.
Tinira ko ang isang pack ng Kisses
Pero wala akong maramdamang kakaiba.
Mga paulit na pagtatalo
Mula sa simple hanggang sa komplikado
Mga sumbatang tila wala ng katapusan
Masasakit na salitang nagiging latay sa puso’t isipan
Hanggang sa umabot sa nakakasawang kasanayan
Hindi pagkakaintindihan
Pagpapairal ng pride sa katawan
Marahil ay posibleng dahilan
Para maglaho ang mga sakripisyo,
Pangako at paninindigan
Hindi ka nagkulang
Marahil ay sumobra lamang ako
Sa pag aakalang nagkakapareho tayo
Iba ang pananaw mo sa pananaw ko
Iba rin ang pag aakala ko sa mga isasagot mo.
Malakas ang loob ko
Kompiyansa sa sarili
Mahal mo ako
Pero bakit mo hahayaang magkaganto?
Sapat na bang sabihin mong yan ang ginusto mo.
Nagbabakasakaling paglisan ko ay pigilan
Bawat sabihi’y nag-aabang ng kasunod na lambing
Tila ba’y hindi makahalata at manhid na sa nakagawian
Marahil tulad ko ika’y sawa naring magtiis
Kaya’t minabuti mo naring sumang-ayon saking pag-alis.
Tulala’t maliwanag pa sa isipan
salitang dapat sana’y di na namutawi pa
Mabigat na dibdib, namumugtong mga mata
Mga bulong sa isipan na tila ba’y nagsasabing:
“Mika tahan na, Tama na.”
